وصيــــة عربية

وصية عربية
تحية عربية وبعد ...
قالت له ..
يا حبيبي ياعيني ...
حط عينك بعيني ... لا تهرب مني ....لا تخجل مني ...
لا تكون مسكين ...لا تكون درويش ...
وين مابدك بنعيش ....
بدك بسكن معك بأوربا ...أو بتركيا إذا بتحبا ...
بدك بالأردن ...بدك بالبنان ...معك بأي مكان ...
بدك بالعراق بمصر او بالسودان بسكن معك كمان ...
بدك بتونس او بالمغرب .. ما بنخسر خلينا نجرب ..
بدول الخليج او بالسعودية ..بيقولو العيشة هنية ...
بدك بمورتانيا و بليبيا او بالجزائر اذا إلك خاطر ..
بفلسطين ..بالضفة أو غزة أرض الشهامة والعزة
طيب بجيبوتي أو الصومال بنعيش ع قد الحال ...
بس يا حبيبي يا عيني ..
حط عينك بعيني ...وسماع هالوصية ...
بسكن معك بكل البلاد العربية ..بس
لا تخليني موت برا سورية ....بدي موت فيا ...
يا روحي يا قلبي ....هون مات أبي ...هون مات جدي ...
ترابها عم يندهلي ...قال مشتقلي....
من الأخر .....راجعة موت ببيت أهلي ...

سهو حسين السلوم 8/11/2015 قلمي بالعربي